Беларуская служба Радыё Ватыкана ўзнікла напрыканцы 1940-х гадоў, каб несці слова Папы католікам Беларусі, якія жылі ва ўмовах савецкага атэістычнага рэжыму і пераследу Касцёла. Перадачы доўгі час выходзілі на кароткіх хвалях, а сёння рэдакцыя працуе ў складзе партала Vatican News, асвятляючы жыццё Касцёла ў Беларусі і ў свеце. Гэта адна з больш як сарака моўных рэдакцый радыёстанцыі, заснаванай яшчэ ў 1931 годзе.
