Radio Saranda është zëri lokal i qytetit bregdetar të Sarandës, ku transmeton në frekuencën 96.1 FM. Stacioni u krijua në vitin 2000 dhe doli në transmetim për herë të parë më 1 mars të po atij viti, duke u bërë shpejt pika kryesore e informimit për jugperëndimin e Shqipërisë. Në programin e tij ndërthuren edicionet informative për zhvillimet ekonomike, politike e sociale të zonës me muzikë shqiptare dhe të huaj, ndërsa online e dëgjojnë edhe sarandiotët e shpërndarë në emigracion.
