Onjam-peo an'ny Eglizy katôlika ny Radio Don Bosco, re manerana an'i Madagasikara ary miorina ao Antananarivo amin'ny 93.4 FM. Anisan'ny fandaharana malaza ao aminy ny « Hono hoy aho Mompera » isaky ny alarobia alina, ary ny fandaharana fanabeazana ho an'ny fiainana sy ny fitiavana (EVA), vokarina miaraka amin'ny vaomieran'ny Eveka, isaky ny alakamisy maraina. Ny tanjony dia ny mikolokolo ny maha-olona sy ny maha-kristianina, indrindra eo amin'ny tanora.
