Kringvarp Føroya er almenni kringvarpsfelagsskapurin í Føroyum, við heimstaði á Norðara Ringvegi í Tórshavn. Stovnurin varð til 1. januar 2005, tá Útvarp Føroya og Sjónvarp Føroya vórðu løgd saman; útvarpið hevði tá sent síðani 1957 og sjónvarpið síðani 1984. Útvarpið sendir einans á føroyskum við tíðindum, mentan, ítrótti og tónleiki, meðan sjónvarpssendingin Dagur og Vika er flaggskipið í tíðindatænastuni.
