Элгэн нутаг радио FM 96.9 нь 2001 онд жүжигчин Д.Батбаярын үүсгэн байгуулсан, төрөлх нутгийн сэдэвт дагнасан станц юм. Монголын сонгодог зохиолуудаар хийсэн «радио ном»-оор эфирээ эхлүүлж байсан тус радио наадмын нээлтийг болон Японы мэргэжлийн сумог анх удаа шууд дамжуулснаараа тэмдэглэгдсэн. Завхан, Увс, Өмнөговь, Булганд салбартай, долоо хоногийн 168 цаг буюу тасралтгүй эфиртэй энэ станцыг гадаадад суугаа монголчууд ч өргөн сонсдог.
