Bosveld Stereo is ’n Afrikaanse gemeenskapsradiostasie wat sedert 2008 vanaf Ifafi by Hartbeespoort op 107.5 FM uitsaai. Die stasie het ’n Christelike agtergrond en dra die slagspreuk “Die Hart van Goud”, met ’n programrooster van oorwegend Afrikaanse musiek, plaaslike nuus en geselsprogramme. Sy gewilde Top 20-treffersparade trek veral jonger luisteraars, en al die personeel woon binne die stasie se eie uitsaaigebied.
