Bok Radio saai in Afrikaans uit vanaf Brackenfell in Kaapstad op 98.9 FM en stroom ook aanlyn na luisteraars wêreldwyd. Die stasie se musiekmengsel bestaan uit sowat 80% Afrikaanse en 20% Engelse treffers, aangevul met nuus, verkeer, weer en sport wat sowat ’n derde van die lugtyd beslaan. Hoogtepunte op die rooster sluit die BokBrekfis-ontbytprogram en die amptelike Bok Radio Top 20 in.
